Modelja e njohur Adrola Dushi, feston sot ditëlindjen e 33-të, e natyrisht që nuk do të mund të mungonte urimi i partnerit të saj, Trim Ademi, i njohur në botën e artit si Capital T.
Këngëtari i ka kushtuar fjalët më të bukura bukuroshes së showbiz-it shqiptar, teksa ka postuar edhe një foto të ëmbël ku ai dhe Adrola shfaqen krahë njëri tjetrit më të dashuruar se kurrë. “Bota u bë pak më e shndritshme ditën që mbërrite ti, Gëzuar ditëlindjen”, shkruan Capital T
Capital T dhe Adrola Dushi janë zyrtarisht në një lidhje dashurie, të cilën e konfirmuan publikisht në Shën Valentin. Siç dihet, Capital T është gjithashtu i biri i Agim Ademit, presidentit të Federatës së Futbollit të Kosovës.
